اعشقك

اليوم وانا احوس بالمنتديات حصلت منتدى ولد عمي الي ينزل فيه اشعاره
ولطشت هذي منه خخخخخ

ياعشقي العام هذا العام زاد الحنان
في روح من هو يحبك والخفوق اعترف
لا والله الا من احساسه عطاك الضمان
انك مثل وادين والحال فيه انجرف
يسولف الورد للنسمات والخيزران
يرقص الى من سمع طاريك شوق وشغف
والهيل من حسنك يسولفك للزعفران
للعود الزرق مع الجاوي وكلن هتف
تعيش يا منفرد فالجاذبيه عشان
تغار منك البسيطه والوعد والصدف
السيد الضال والحاخام والموبذان
متناقضين ويجمعهم طريق وهدف
كلن يبي جنة الفردوس دون الجنان
ما ظن احدهم وصل ولا بحبك اسف
تعال يا كاسبن فالزين كل الرهان
ولا ترى جيتك فقلبن قوي ما رجف
وادري معاك اسئله باجاوبك في ثوان
ليه اعشقك من متى وشلون قلبك نطف
ليه اعشقك لان مالي في غيابك مكان
ليه اعشقك لان حالي في حضورك ترف
لانك فعتم الليالي تشبه الشمعدان
لانك جسر من امل والياس موجن جرف
جيتك وانا ما وصلت فغيبتك للامان
جيت اشربك لان حلقي في بعادك نشف
متى عشقتك قبل تسعين عام وثمان
قبل النوايا فهالامه تصاب بتلف
من قبل بلفور لا يشر بذاك البنان
من قبل حنا طرف والنصر صار بطرف
من قبل لا يمسي الترفيه شهر رمضان
ومن قبل جرح العروبه عقب فيصل نزف
من قبل لا يحتقر فسويسرا هالاذان
ومن قبل تكريت لا تصبح غدى للنجف
قبل ارتجاف الشفايا وارتجاف اللسان
قبل يغدي جوفي الملهوف مثل الكهف
بدعت فيك الشعر والكون شاهد عيان
وحلفت بانك حبيبي يوم قلبي حلف
مثلك ومثلي دليلن فالعشق من زمان
مثل العذق لو تثيقل مستريح السعف

مع تحيات
ابو خالد

اتمنى تنال اعجابكم