أكابر وادعي كرهك عشان اكسب رضا ذاتي
وأنا اللي ذاتي ما تقبل كلام فيـك قـد قلتـه
تبيهـا بجـد ياخلـي تعـال اسكـن خيالاتـي
فـداك بداخلـي منـزل تنازلـتـه وسجلـتـه
مثل ما يكتب القاضـي تنـازل عـن عقاراتـي
أنا بكتب تنازل لـك مـن احساسـي تنازلتـه
لانك عايـش بفكـري فراقـك مـن تهاياتـي
انا اكل وانا شارب وانـا نايـم معـاي انتـه
تعال اقـول لـك موقـف حصلـي بامتحاناتـي
وانا قدامي استـاذي كتبـت الحـل ودونتـه
من الأول الى التالي ابيك تعـرف انـا الآتـي
سؤال حار في فكري انا مـا يـوم ذاكررتـه
من الربكه سرح فكـري وبـاح بكـل زلاتـي
وزليـت بخطـا فــادح ولا ظـنـي تجاهلـتـه
كتبت اسمك وسلمتـه علـى ورقـه اجاباتـي
بدال اسمي كتبت اسمـك وللأستـاذ سلمتـه
م/ن
بدال اسمي كتبت اسمك وللأستاذ سلمته 
العرض العادي
